Jungschi Linge
Jungschar - das isch Abetüür im Freie, Erläbe vo biblische Gschichte und gueti Fründschafte! Chinder vo der 2. bis 6. Klasse si bi üs willkomme!
D Jungschi Linge isch es gmeinsams Agebot vo dr EFG Linge und der Kirchgmeind Linge. Si isch em BESJ (Bund Evangelischer Schweizer Jungscharen) agschlosse.
Mir träffe üs jede zwöit Samstig jewils vo 13:30 bis 17:00 Uhr. Treffpunkt isch jewils am 13:15 bim Kirchgmeindhuus Linge (mit Velo) oder 13:30 direkt bir EFG Ried.
Mitnäh müesst dir, wenn nid speziell vermerkt, gueti Chleider und es Sackmesser.
Z aktuelle Jungschiprogramm findsch hie:
Infos zum Jungschinami:
Das dir immer ou z richtige derbi heit füre Jungschi Namitag, düe mir immer churz vorem Namitag ä Information düregä. Dört säge mir wasme aues sött derbi ha und wenn & wo üse Träffpunkt isch.
Sit nöischtem geit das nüm über üsi Telefonnummere sondern chunnt übere Eltere-Whatsapp-Chat.
We dir da nid derbi sit, de mäudet nech unbedingt bi üs:
Myriam // 079 216 87 21
Benä // 077 435 67 38
UFLA 2023 - Mit dä Indianer ungerwägt
Üses UFLA 2023 mitem Thema "Füür und Food" isch ou scho wieder Gschicht. Mir luege gärn mit eme chline Bricht zrügg uf die kuhli Zyt!
Scho ganz am Afang si mir iz Indianerläbä inetoucht und hei üs Chopfschmuck bastlet und Gsichtsbemalig uftreit. Wüu z Land ir Linge üs ke Nahrig het botä hei mir üs müesse ufe Wäg mache und bessers Land finde. Ungerwägs uf dere Suechi hei mir verschiedeni Indianerchallenges bestritä und bestandä.
Womer du ufem Stouffä ändlech ä Bisonherdä hei atroffe hei mir üs sofort ufd Jagt ufgmacht und sä zu Cervelats verwärtet. Zuesätzlech hei no es paar ä Schlangejagt gmacht und so hets no Schlangebrot gäh.
Am Nami hei mir äs Gländespiel gspielt womer hei glehrt füürle und hei chönne Zuetate verdiene fürz Znacht. Dört hei mir när säuber kochet (ohni Hiuf vo Leiter) und so die ersti Foodchallenge gmeisteret. Nächär hei mir säuber üsi Biwak ufbout,
Nachem Znacht hez mitem Lagerfüür, Singe und änere Andacht no äs gmüetlechs Beisammensein gäh.
Am Sunntigmorge hez när ä Sandsturm zum Zmorge gäh. Mir hei ä Gruppezyt gmacht n när gly mau d Biwak abbout.
O am Zmittag hei mir no glehrt verschiedeni Menus zuebereitet und so üs dä Stärn verdient.
So het när üses UFLA 2023 o gändet! Mir fröienis ufz SOLA und oscho ufd Übernachtig ufem Müllersbode.
Sola 2024 «Asterix & Obelix»
14.–20. Juli 24 | Oberthal BE
Mir befinde üs im Jahr 50. v. Chr. Ganz Gallie isch vo dä Römer bsetzt – ganz Gallie? Nei! Es Dorf vo unbeugsame Gallier hört nid uf, Widerstand z leiste. Si mache dä Römer i dä umliegende befestigte Lager Biglum, Bowilum, Signaum und Zäziwilum z Läbä schwär.
Zämä mit Asterix & Obelix wei mir ä Wuche i däm Dorf verbringe und usefinde,
was z Gheimnis vo ihrem Durchhaltewille isch! Was git dir Zueversicht, we du in Bedrängnis gratisch?
Z Lager wird als Zämearbeit vo dr Jungschi Graduus (Steffisburg) und dr Jugendarbeit Linge düregfüehrt.
Chum mit & bis derbii!
Jungschi | Medien und Links
Üsi Jungschi Föteli findsch uf dr Website
D Föteli si nume mit eme Passwort verfüegbar. Zuegriff chasch du bi Benä // 077 435 67 38 übercho.
Jungschi | Lager und Weekends
Die Events söttisch nid verpasse!
- Üses UFLA (Auffahrtslager)
- Sommerlager i dr dritte Feriewuche (ab dr 4. Klass)
- Sommerevent i dr letzte Feriewuche (ab dr 2. Klass)
- Müllersbode-Biwak afangs September (Sa. uf So.)
